Mapen bisore klasikoa kendu dugu
Mapen bisore klasikoa kendu dugu b5m webgunetik. Gure lehenengo bisorea zen, eta 1997tik zegoen martxan. Nolanahi ere, teknologia zaharkitu bat zerabilen eta arazo handiak ematen zituen egungo Internet zerbitzarietan. Hortaz, gure webgunetik kentzea erabaki dugu. Hala ere, bisore klasikoaren funtzioak betetzen dituen beste bisore bat argitaratu dugu. Bisore berri hori proba fasean dago, baina guztiz erabilgarria da. Bisore berrira sartzeko, b5m-ko bilatzailearen emaitzen artean «2.0 (Beta)» esteka aukeratu behar duzu, edo zuzenean sartu «MAPAK > GIPUZKOAKO MAPEN BISOREA» bidea erabiliz.