Edukira salto egin Nabigazio nagusira salto egin

Geodesia

Geodesiak Lurraren forma eta neurriak eta Lurrak espazioan duen kokagunea aztertzen ditu, baita Lurraren grabitate-eremua eta alderdi horien denborazko aldaketak ere.

Sarrera

Sateliteen bidezko nabigazio sistemak (GNSS izenekoak, eta haien artean GPSa ) erabiltzen hasteak ahalbidetu digu eskema geodesiko zaharra gainditzea. Aipatutako eskema bi erreferentzia-eredutan oinarrituta zegoen: planimetria osagarrian (sare geodesikoa) eta altimetria osagarrian (nibelazio sarea), biak ere era autonomoan zehazten zirenak; era horretan, hiru dimentsioko erreferentzia-eredu bakarra defini zezakeen lehengo sistemak. Gehiegizko zehaztasunik galdu gabe, GPS garaiera (WGS84 elipsoideari dagokiona) garaiera ortometrikoarekin (itsasoaren batez besteko mailari dagokiona) lotu daiteke, beste osagarri geodesiko bat gehituta: grabitatea.

Erreferentzia egonkorreko azpiegitura geodesiko bat mantentzeko beharrezkoa da, bestalde, denbora aldagaia gehitzea, lurrazaleko plaka kontinentalen lerradurak direla-eta (Europa urteko 3 cm urruntzen da Amerikatik). 2002. urtean Gipuzkoako Foru Aldundian hasitako proiektu geodesikoaren bidez erdietsi nahi den helburua lau dimentsioko azpiegitura geodesikoaren doitasuna handitzea, trinkotzea eta mantentzea da, azpiegitura hori egun Europako Erreferentzia Geodesikoaren (ETRS89) eta Erreferentzia Geodesiko globalaren (ITRF2005) sistemen tokiko trinkotze gisa ulertuta.

Beti izango dira ongi etorriak beren datuak edo esperientziak partekatu nahi dituzten administrazio edo partikular guztiak, Gipuzkoako Azpiegitura Geodesikoak aintzakotzat hartu behar baititu erabiltzaileen beharrak.

Gure helburuak

  • Azpiegitura geodesiko bat eskaintzea, etengabe eguneratua, gure lurraldean egiten diren lan geodesiko eta topografikoei erreferentzia gisa.
  • Zehaztasuna handitu, dentsifikatu eta mantendu lau dimentsioko azpiegitura geodesiko bat, uneko Europako Erreferentzia Geodesiko Sistemak (ETRS89) eta globala (ITRF2005) dentsifikazio gisa ulertu.

Gipuzkoako GNSS sarea

Ezaugarriak

GNSS Erreferentzia estazioen sarea

Estazio horiek guztiak publikoak dira, eta pribatuekin batera gure inguruko estazio sarea osatzen da. Sare horren bidez, dentsitate handiagoa duen azpiegitura batera heltzen da erabiltzailea. Eta konektazeko bide asko ditu, Gipuzkoako GNSS sareak bereak dituen datuak ematen baitizkie GNSS sare berriei, hala nola, Bizkaiakoari, Euskadikoari eta Frantziako Teria-ri.

Sareko estazioak Gipuzkoako edozein lekutatik gehienez ere 20 km-ra daudenez, zentimetroko doikuntza egin daiteke denbora errealean lan geodesiko eta topografikoak egiterakoan.

Eguneroko ITRF sare-emaitzak prozesatzen ditu sareak; eta, jasotako behaketak eta denbora errealean sortutako zuzenketak monitorizatzen dira. Hori egiten da bai oinarri bakuneko emaitzekin (ionosferako eta troposferako hondarrak, eta bai sare-emaitzekin (ionosferako y troposferako hondarrak).

GNSS estazio bakoitzak RINEX formatuko datuak gordetzen ditu, eta RTCM2.3 nahiz RTCM 3.0 zuzenketak emititzen ditu, NTRIP protokoloa erabiliz. GNSS estazioei buruzko argibideak ikusteko, denbora errealean sortutako zuzenketak atzitzeko eta datuak eskuratzeko, egin klik gainean.

Iturria: GNSS sare publikoak Espainian eta Portugalen

Historia

  • 1996
    Gipuzkoak bere lehen GPS estazio iraunkorra ezartzen du Gipuzkoako Foru Aldundiaren jauregiko teilatuan, GFA izenekoa. Orduz geroztik, datu gordinetarako eta GNSS zerbitzuetarako sarbide librea eta doakoa eskaintzen du.
  • 2005
    Hirian egonik, sateliteekiko ikuspena galtzen joan da estazio hori; eta, horren ordez, hiru estazio berri ezartzen dira: ELGE, LAZK eta IGEL; Elgetako eta Lazkaoko udalen laguntzari esker, eta Igeldoko Meteorologia Behatokiaren lankidetzari esker.
  • 2007
    Ekipamendua berritu egiten da, GPS seinaleak jasotzeaz gain, GLONASSekoak ere jasotzeko. Aldi berean, beste estazio bat gehitzen da, PASA deiturikoa, AZTI zentro teknologikoak Pasaian dituen instalazioetan.
  • 2015
    PASA estazioa EPN (EUREF Permanent GNSS Network) sarean sartzen da. Sare horrek Europako erreferentzia geodesikoaren esparrua definitzen du. Euskal Autonomia Erkidegoko eta Nafarroako Foru Erkidegoko sare horretako estazio bakarra da; hurbilen dauden EPN estazioak Ziburun, Santanderren eta Logroñon daude.
  • 2016
    Sarea eguneratu egiten da Galileo eta BeiDou seinaleak jasotzeko (GPS eta Glonass seinaleak jasotzeaz gain) eta lau GNSS konstelazioetako RTK zuzenketak egiteko.
  • 2019
    Sarea hasten da NRTK-sare zuzenketak egiten, GPS+GLO+GAL bidez.

Dokumentazioa